Biodibertsitatea: Biziaren etorkizuna

Jardueraren deskribapena: Biodibertsitatea gara. Bakterio, onddo, intsektu, arrain hegazti eta abarrekin batera. Haiek guztiak bezain bizirik gaude, erlazio-sistema konplexu batean kateatuta. Lurreko biziaren norakoa gurea ere bada. Azken hamarkadetan zientzialariek bildu dituzten ebidentziei esker esan dezakegu biodibertsitatea, bizia, krisian dagoela. Planeta bizia galtzen ari da bizkor-bizkor. Horren jakitun al gara? Zer etorkizun itxaron dezakegu? Jarduera didaktiko honen helburua da biodibertsitatearen garrantzia ezagutzeko eta berau kontserbatzeko erreminta orokorrak eskaintzea alde batetik, eta bertako espezie nagusien ezagutza sustatzea bestetik. Bi atal ditu, erakusketa eta laborategiko lana: - “Biodibertsitatea: biziaren etorkizuna” erakusketako infografiek, objektuek, eta kontserbazio biologiaren arloko aditu batek prestatutako testuek ezagutza eskainiko dizkigute. Erakusketara bisita gidatua egin eta lan koaderno batean ariketa batzuk egingo ditu ikasleak. - Laborategian, “Euskal Autonomia Erkidegoko mikrougaztunen identifikazioa egagropila bidez” tailerraren bidez animalia talde honen Euskal Autonomia Erkidegoko mapa berritzeko erreminta ezagutu eta praktikan jarriko da. Jarduera museoko gidarien laguntzarekin garatzen da uneoro eta hiru orduko egonaldia eskatzen du Laboratorium museoan.

Nori zuzendua: DBH3, DBH4 eta Batxilergoa 

Noiz: 2019ko martxoak 15 - Ekainak 30

Iraupena: 3 ordu

Ikasle kopurua: gehienez 30

Prezioa: 100€

Energia

Jardueraren deskribapena: 2018ko abenduan energiari buruzko aldibaterako erakusketa zabalduko dugu museoan. Horrekin batera gai honi lotutako unitate didaktikoa izango dugu. Jarduera didaktikoa frogatuko dugu interesa duten ikastetxeetako ikasleekin.

Nori zuzendua: DBH3 eta DBH4  

Noiz: 2019ko otsaila

Iraupena: 3 ordu

Ikasle kopurua: gehienez 30

Prezioa: Doan