infografia zientifikoen esploratzailea

Fernando Baptista: artea eta zientzia ikuspegi bakarrean

Fernando Baptista, nazioarteko erreferentea ilustrazio zientifikoan, Bergarara iritsi da bere lan ikusgarrienetako batzuk biltzen dituen erakusketarekin. Bere marrazkiek eta konposizio bisualek anatomia, geografia, historia eta nazioartean ezagunak diren eraikin enblematikoak bezalako gaiak irudikatzen dituzte, ezagutza esperientzia grafiko irisgarri eta erakargarri bihurtuz. Erakusketa honek datuen eta artearen arteko fusioak ondare bisual eta hezitzailea nola eraikitzen duen deskubritzera gonbidatzen gaitu; gaur egungo gizartearentzat zein etorkizuneko belaunaldientzat baliagarria den ezagutza, ulermena, estetika eta irudimena uztartzen dituena.