Bi ilunabarreko eguna

Eguzki-eklipse oso baten atarian

Datorren abuztuaren 12an ikusgai izango den eguzki-eklipse osoaren harira, Eusko Jaurlaritzako Zientzia, Unibertsitate eta Berrikuntza Sailak, Jakindari osatzen duten erakundeekin elkarlanean —horien artean Laboratorium Museoa—, “Bi ilunabarren eguna” erakusketa ibiltaria jarri du martxan.

Erakusketak ilustrazio zientifikoen bidez fenomeno astronomiko ikusgarri honetara modu didaktiko, irisgarri eta bisualean hurbiltzeko aukera eskaintzen du. Zer gertatzen da eklipse batean? Zergatik iluntzen da eguna une batez? Zer ikusiko dugu zeruan? Galdera horiei guztiei erantzuteko sortutako proposamena da, publiko guztiei zuzendua.