Superdastatzailea ala mingotsarekiko immunea? Ezagutu zure DNAk zer dioen
Zergatik pertsona batzuek gorrotatzen dute brokolia eta beste batzuek, aldiz, ia ez dute haren zaporea nabaritzen? Erantzuna geneetan egon daiteke.
Tailer honetan zure DNA propioaren ikertzaile bihurtuko zara, aldaketa genetiko txikiek zaporeak hautemateko moduan nola eragiten duten ezagutzeko. TAS2R38 genea aztertuko duzu, zapore mingotsak hautematearekin lotuta dagoena, eta PTC (feniltiokarbamida) substantziaren zaporea nabaritzeko aukera ematen duten aldaera genetikoak dituzun ala ez jakingo duzu.
Euskaraz dinamizatuko da. Irakasleen eta ikasleen arteko komunikazioa gaztelaniaz, euskaraz eta ingelesez egin ahal izango da.
Gonbidatuak
AIANE ARRANZ
PROJECT MANAGER BIOOK ELKARTEAN
Aiane Arranz biologoa eta bizitzaren zientzietan espezializatutako ikertzailea da, eta esperientzia du analisi biologikoetan, laborategiko teknika aurreratuetan eta dibulgazio zientifikoan. Bere ibilbidean zehar hainbat ingurune akademiko eta ikerketatan lan egin du, biologiarekin, jasangarritasunarekin eta hezkuntza zientifikoarekin lotutako proiektuetan parte hartuz. Gaur egun, proiektuen arduraduna da Biook Elkartean, eta herritarren zientzia, STEM hezkuntza eta komunikazio zientifikoko ekimenak bultzatzen ditu, ikerketa ikasleei eta gizarteari hurbiltzeko.
RICARDO MUTUBERRIA ZABALA
BIOOK ELKARTEA ETA BIOOKLAB S.L ENPRESAREN ZUZENDARIA
Biologian lizentziatua, Mikrobiologiako eta Bioteknologia Aplikatuko Masterra eta Komunikazio Zientifikoko Masterra. Ricardok ikertzaile gisa lan egin du, eta, ondoren, kultura zientifikoaren sustatzaile gisa, batez ere museoetan, hala nola Granadako Zientzien Parkean eta New Yorkeko Historia Naturalaren Museoan, eta laborategi komunitarioetan, hala nola “Genspace”, New Yorkeko komunitateari irekitako biolaborategi bat. Biook elkartearen eta Biooklab SL enpresa sozialaren sortzailea eta zuzendaria da, eta bi erakundeen helburua da kultura zientifikoa, herritarren zientzia, biologia komunitarioa eta STEAM prestakuntza sustatzea.
Sortzaile eta antolatzailea: Biook.org.
Laguntzaileak: Kutxa Fundazioa (2026ko ekimen sozial eta kulturalei laguntzeko programa), BiookLab S.L. eta Medialab Tabakalera.
Tailerra Biook Elkartearen “Bioaniztasuna eta Biokultura Gipuzkoa 2026” programaren barruan kokatzen da. Kutxa Fundazioaren 2026ko ekimen sozial eta kulturalen programak eta BiookLab enpresak finantzatzen dute.