Zientzia, Teknologia eta Berrikuntza 2021 jardunaldien aurkezpena

ZTB jardunaldi indarberrituak

Zientziara gerturatzeko ekimenak ZTB 2021ean

Zazpigarren aldiz egingo dira Zientzia, Teknologia eta Berrikuntza, jardunaldiak. Urriaren 18an aurkeztu zen aurtengo egitaraua museoan, urriaren 19tik azaroaren 21a bitarte egingo diren ekitaldiak. Jardunaldien inguruko informazioa ztbergara.eus webgunean daukazu eskuragarri.

Gure web-gunean ere, informazioa emango dugu propio sortutako atalean.

Irekiera orduak urriko zubian

Urriaren 11n eta 12an irekiko dugu

Urriaren 11n eta 12an ordutegi berezia izango dugu eta bisitak egiteko aukera zabalagoa izango duzue.

Bergarak eta museoak harritu egiten du jendea. Profitatu jai-egunak guri bisita egiteko!

Gogoratu, gure turismo bulegoan, zeina museoaren harreran dagoen, bisita gidatu hauek dituzula aukeran:

  •     Bisita Monumentala
  •     Laboratorium museoa
  •     Museoa eta Bergara monumentala
  •     Lorategi historikoak

Informazio gehiago turismoko web-gunean.

 

 

DIPC-LSC-LABORATORIUM lehiaketa

 

Zientziaren zabalkuntzaren ekimen bat antolatzen du aurten Laboratoriumek Donostia International Physics Center eta Laboratorio Subterráneo Canfrancekin batera eta JotDown aldizkariak bultzatuta: DIPC-LSC-LABORATORIUM lehiaketa. Ekimen horretan, ilustrazio zientifikoa kategoria gehitu berri da aurten, museoak sustatzen duen ildoetako bat, hain zuzen.

Jauregi etxeko harrizko tapiza

Bisita eskaintza Irailaren 25ean

Irailaren 25ean, larunbata, "Bergara monumentala" bisita gidatua eskainiko da Kultura Kalera ekimenaren baitan, ordutegi hauetan.

  • 11:00etan euskaraz
  • 12:30ean gaztelaniaz.
  • Edukiera mugatua, izen-emate ordenaren arabera-

     

IZENA-EMATEA: Eskaera-orria hemen

 

 

 

 

Wolframa Diktadoreen arteko kontrabandoa liburuaren azala

Liburuaren aurkezpena: Wolframa diktadoreen arteko kontrabandoa

Euskalerriaren Adiskideen Elkartearekin elkarlanean.

Egilea: Rosa Arburua Goienetxe

Parte hartzaileak:

  • Gorka Artola Alberdi, Bergarako Alkatea.
  • Luis Elícegui Mendizabal, Euskalerriaren Adiskideen Elkartearen presidentea Gipuzkoan.
  • Rosa Errazkin Arrazau, Laboratorium Museoko arduraduna
  • Rosa Arburua Goienetxe, Egilea

Lekua:  Seminarixoa, Bergara.
Data:    2021eko ekainaren 8a. 18:00etan

Aurkezpenera etortzea libre da, Seminarixoko edukiera bete arte.

 

Olaso dorrea

Eskaintza berria: museoko sarrera eta Olaso dorrea bisitatzeko sarrera konbinatua

Bergarako Turismoak, eskaintza berri bat prestatu du martxoan hastekoa: bisitariek, museoa ikusteko sarrera erostean, Olaso Dorrea gida batekin ikusteko aukera ere erreserbatu ahal izango dute, biak egiteko. Turismoko bulegoak eskaintzen duen mota honetako bigarren sarrera konbinatua da; lehendik ere erreserbatu daitekeen beste pack batean, museoan sartu eta Bergarako herriaren bisita monumentala egin daiteke eta.

Olaso Dorreko bisita gidatua Olaso Dorrea fundazioak antolatzen du eta Bergarako Udalak eskaintzen du, martxoren 13an hasiko den egutegi bati jarraiki.

Eduardo Alfaroren azken hitzaldia Seminarixoan

Orain arte lau hitzaldi eman ditu Eduardo Alfaro arkeologoak, antzinako euskarazko izenak dituzten hilarrei buruz. Osasun alarma egoera dle eta, batetik, talde horiek murriztuak izan behar zuten, eta bestetik, Bergaraz kapoko jende asko etorri gabe geratu da. Hori dela eta, Laboratorium museoak azken hitzaldi bat antolatu du Bergarako Seminarixoan, urtarrilaren 22rako, arratsaldeko 5 eta erdietan.

Paperak postontzian

Doan bisitatu ahal izango dute bergararrek Laboratorium Museoa

Egunotan familia-bonua jasoko dute bergararrek postontzian, Laboratorim Museoa doan bisitatu ahal izateko. Pandemiaren eraginez mugikortasuna murriztuta, aukera paregabea da herrian bertan ditugun kultura eskaintzez, azpiegiturez... gozatzeko.

Orriak