Labroatorium Hamaika Telebistan

@HamaikaTb-n gure museoan egin zituen elkarrizketa, Debagoienaz hitz egiteko, 11 Tokitan saioan. Ederra geratu da!
Nazioarteko Museoen Eguneko kartela

Museoen Nazioarteko Eguna 2020

Museon Egun berezi honetan, zuei museoa ireki nahi dizuegu medio digitalen bidez eta gure bildumako bi pieza erakutsi: Meridianoen aparatua eta Eduardo Rosalesen erretratu bat.

Gustatuko zaizkizuela espero dugu.


zaharberritzailea Santa Barbararen eskultura zaharberritzen

Udal ondarearen lau piezen kontserbazio lanak

Egun hauetan , Artez Restauración enpresaseko zaharberritzaileak ditugu museoan. Hasteko, XVII mendeko Santa Barbararen irudian finkatze tratamendua aplikatzen ari da pintura eror ez dadin. Baina hori ez da interbentzio bakarra izango; guztira, lau eskulturetan aplikatuko dituzte tratamenduak. Mantentze lan hauek ohikoak dira edozein meuseotan, eta gurean, Udalaren ondarearen parte garrantzitsua gordetzen da.

Elementu kimikoak azaltzen ikasle talde bati

Taula periodikoaren erakusketa luzatu dugu

"Taula periodikoa: Unibertsoa osatzen duten elementuak" erakusketa luzatu dugu apirilaren 24 arte. Honi esker, Aste Santuan ere ikusgai izango da. Bergarara izanik, oraindik ikusi ez baduzu, edo Bergarara bazatoz bisitan, ez zalantzarik egin: harrituko zaitugu.

Erakusketa honen inguruko informazioa hemen ikus dezakezu.

Albiste guztiak

Energiaren erakusketaren eskuorriaren kanpoaldearen zati bat - Iruñan egin den bertsioa
Energiaren erakusketaren eskuorriaren kanpoaldea - Iruñan egin den bertsioa
Energiaren erakusketaren eskuorriaren barnealdea - Iruñan egin den bertsioa

Energia Iruñera

"Energia: guzti-guztiaren jatorria eta amaiera" erakusketa antolatu zuen Laboratorium Bergara museoak iaz, eta gure aretoan egon zen 2019ko urtarriletik maiatzera. Orain, erakusketa hau Nafarroara joan da eta hor egongo da ikusgai 2020ko otsailaren 2tik martxoaren 28 arte, CIVICAN fundazioak duen egoitzan: Iruñeko Pio XII hiribidea, 2.

Erakunde askok parte hartu dute antolaketan eta laguntzaile moduan, tartean, Bergarako Udala ere bai.

UPV-EHUko Filosofia, Zientzia eta Balioak Mastergaiak Laboratoriumen

Euskal Herriko master ikasle hauek, filosofiaren alor nagusiak aztertzen dituzte, hala filosofia praktikoa nola epistemologia eta zientziaren historia. Eta aldi berean, oinarrizko ikerkuntza eta zientziari eta teknologiari buruzko azterketa sozialen (ESCT) ikerkuntza aplikatua konbinatzen dituzte.

Bada, aurreko astean egin ziguten bisita eta ikasitakoarekin hausnarketa egin zuten taldean. Guk pozik jaso genituen.

Albiste guztiak

Anoetako eta bergarako DBH1eko ikasleak taula periodikoaren erakusketan

Bergarako Aranzadiko eta Anoetako ikasleak taula periodikoaren erakusketa bisitatu dute

Hirurogeita hamar bat ikasleren bisita izan genuen Laboratorium Bergaran. Aldi baterako erakusketa bisitatzen duen lehen ikasle-taldeak, adi-adi entzun zituen elementu kimikoen inguruko azalpenak eta Elhuyar anaien abenturak. Baina beraiek ere bazuten zer kontatu eta Wolframari buruz eta beste naturako elementu kimikoei buruz ezagutzen dutena esan ziguten.

Bergarako alkatea, museoko arduraduna eta erakusketaren sortzaileak

Inauguratu da elementu kimikoen taula periodikoaren erakusketa

2019 Elementu Kimikoen Taula Periodikoa urtea da eta horregatik Zientzia Teknologia eta Berrikuntza jardunaldietan protagonismo handia hartu du Taula Periodikoak berak. Wolframa bera hizpide izan da eta Nobel sari bat ere izan da gurean.

Horrez gain, espresuki sortu dira Taula Periodikoari buruzko erakusketa eta unitate didaktikoa. Erakusketa zabalik egongo da martxora bitartean Laboratorium Museoan.

Erakusketari buruzko informazioa

Zelula transgenikoak sortzeko tailerra egin dugu ikasleekin

ZTB jardunaldien barruan eta EHUko irakasleen gidaritzapean, urriaren 9an, 10ean eta 11n 'DNA moztu-itsatsi eta buala! Zelula transgenikoak sortu ditugu' ikastaroa egin dugu DBH4ko ikasleekin Laboratorium museoan.

Bergarako ikasleak zur eta lur geratu dira, eta transgenikoak nola sortzen diren ezagutzearekin bat, gai izan daitezke horrekiko jarrera kritikoa edo ez garatu ahal izateko.

 

Albiste guztiak

Dudley Hershbach Nobel sariak Wolframari buruz hitz egiten

Wolframa eta Bergara protagonista Passion for knowledge jardunaldien itxiera saioan

Dudley Hershbach Nobel sariak Wolframa eta Bergara izan ditu hizpide DIPCk antolatutako Passion for Knowledge jardunaldien itxiera ekitaldian.

Victoria Eugenian egindako ekitaldian, streaming bidez nazioartean jarraitu zena, Udalak eta Laboratorium Museoak, Wolframioa, Bergara eta taula periodikoa lotzen dituen ikus-entzunezkoa ere proiektatu zuten Herschbachek eskatuta.

Jardunaldiaren itxiera ikusi>>

 

Pages