GERTU KULTURAren aurkezpena bailaran
Egoera zaurgarrian dauden herritarrei eskualdeko kultur eskaintza gerturatzeko asmoz, Gertu Kultura-k proiektu berria aurkeztu die Laboratorium Museoan bailarako kultur programatzaileei.
Museoen nazioarteko eguna 2024
Museoen Nazioarteko Eguna (maiatzaren 18an) ospatzeko, Laboratorium museoan ate irekien eguna egingo dugu.
Gure erakusketa iraunkorra hobeto ezagutzeko bi bisita gidatu eskainiko ditugu dohainik:
- 10:30etan
- 17:00etan
Eguerdiko 12:00etan , Xenia Aymerich eskutik "Ontzietan gordetzen diren istorioak" hitzaldia izango dugu. Errege Seminarioaren bildumaren erakusten ez diren fluidoetan dauden espezimenak ikusteko aukera izango da eta haien kontserbazioaren nondik norakoak diren.
"Udakikuka" Bergarako udako eskaintza
Bergarako Udalak udako aisialdirako eskaintza aurkeztu du Usondo parkean egindako prentsaurrekoan. Udaleku irekiak, kirol eskaintza eta Laboratorium museoko eskaintza aintzat hartuta, ume eta nerabeentzat hainbat ekintza antolatu dituzte, ekainerako eta uztailerako, eta eskaintza bateratua izango dela azpimarratu dute; inklusiorako aukera emango duena eta haurren parte-hartzea erdigunean jarriko duena, besteak beste.
Hondakin jasangarriak: fikzioa edo errealitatea?
Noiztik noiz arte:
2024.ko Marchren 28.ean to 2024.ko Mayren 15.ean koren.ean
Martxoaren 28an zabalduko da 'Hondakin jasangarriak: fikzioa edo errealitatea?' erakusketa, eta ekainaren 16ra arte aldi baterako erakusketen gunean egongo da.
Seinale askok uzten dute agerian gure bizimodua dagoeneko ez dela jasangarria: klima-aldaketa, kutsadura-tasak, baliabideen gehiegizko ustiapena, ur-eskasia... Hortaz, guztiok lehenbailehen hartu behar dugu geure gain eredu berri baterako trantsizioar birziklatzean, berrerabiltzean, konpontzean eta berreskuratzean oinarritutako eredu baterako trantsizioa erronka eta betebeharra da guretzat.
JOT DOWN 2024 lehiaketa
PARTE HARTU AURTENGO LEHIAKETAN!!
https://ciencia.jotdown.es/ciencia-jot-down/
Beste urte batez, hamaikagarrena, Jot Down Zientzia ospatzen dugu berriro. Aurten ekitaldiak «hominidoak» izango ditu gai nagusi: hitzaldien, mahai-inguruen eta dibulgazio-lehiaketaren zeharkako ardatza.
Jot Down zientzia Tabakalera Kultura Garaikidearen Nazioarteko Zentroan egingo da.
24 emakume zientzia, arte eta letretan
Noiztik noiz arte:
2024.ko Marchren 4.ean to 2024.ko Marchren 31.ean koren.ean
Egungo erronketako bat da emakumeek jakintzaren arloetan egiten duten lana ikusezin bihurtzen duten gizarte-ohiturak gainditzea.
Neska-mutilek edozein diziplinatan aukera-berdintasunean ikasi eta lan egin dezaten, gure gizarteak emakumeek bizitzako arlo guztietan duten presentzia ezagutu eta ikusarazi behar du. Emakumeak ari dira zientzietan, arteetan eta letretan, eta egiten duten lanarekin gozatzen dute.
Jakiundek eta Laboratorium Museoak emakumeak zientzietan, arteetan eta letretan duen papera ikusarazteko erakusketa bat aurkeztu dute
Bergarako Laboratorium Museoak eta Jakiunde-k, Euskal Herriko Zientzia, Arte eta Letren Akademiak, 24 emakume-mujeres-femmes erakusketa aurkeztu du astelehen honetan museo bergararraren kanpoaldean. Martxoaren 4tik 31ra izango da ikusgai, eta Jakiundeko zenbait kideren 24 argazkiren bitartez, emakumeek zientzietan, arteetan eta letretan duten papera ikusarazi nahi du Euskal Herriko kaleetan eta plazetan.
Laboratorium museoa GERTU KULTURA ekimenaren parte
Laboratorium museoa GERTU KULTURA ekimenaren parte
Aurreko ostiralean, otsailaren 16an, Gertu kultura programaren barruko lehengo bisita izan genuen museoan. Elkargunetik hurbildu ziren gure museoa ezagutzera. Oso talde parte hartzailea izan zen eta interes handia erakutsi zuten. Benetan bisita atsegina eta errepikatzeko modukoa.
ZER DA GERTU KULTURA?