Mikel Falxa astrofisikariak eskainiko du hitzaldia, Bergarako Seminarixoan, Eklipseak eta asmakizunak: Eguzkiaren itzalean izenburupean
Laboratorium Museoak, Kutxa Fundazioarekin eta Donostia International Physics Center-ekin (DIPC) lankidetzan, Eklipseak eta asmakizunak: Eguzkiaren itzalean dibulgazio-hitzaldia antolatu du. Honakoa, ZTBk (Zientzia, Teknologia, Berrikuntza) urte osoan zehar garatzen duen programaren barnean kokatzen da. Solasaldia ekainaren 11n, arratsaldeko 18:30ean, izango da Bergarako Seminarixoan, eta euskaraz emango da.
Datorren abuztuaren 12an, Iberiar Penintsulako zenbait tokitatik Eguzki-eklipse osoa ikusi ahal izango da, fenomeno natural ikusgarri eta zirraragarrienetako bat. Minutu batzuetan, inguruko argia, tenperatura eta soinuak erabat eraldatzen dira, zentzumen guztientzako esperientzia paregabea eskainiz.
Bere edertasunetik haratago, Eguzki-eklipse osoak funtsezkoak izan dira ezagutza zientifikoaren aurrerapenerako. Gertakari horren atarian, Mikel Falxa astrofisikariak (DIPC) hitzaldia emango du eklipseei esker posible izan diren aurkikuntza harrigarrienetako batzuk errepasatzeko, gure planetatik galaxiako bazter urrunenetara eramango gaituen bidaia batean.
Jarduera hau Jakinaldia. 2026ko eklipsearen jaia ekimeneko programaren parte da, Eusko Jaurlaritzako Zientzia, Unibertsitate eta Berrikuntza Sailak sustatua.
Sarrera doakoa da, baina plazak mugatuak direnez, aldez aurretik izena ematea beharrezkoa izango da. Horretarako, interesa dutenek izena eman beharko ondorengo formularioa beteta.
Hizlaria
Mikel Falxa astrofisikaria da, eta doktoratu ondoko ikertzaile gisa sartu berria da DIPCen. Bere ikerketa zulo beltz supermasiboen sistema bitarrek igorritako grabitazio-uhinetan oinarritzen da. Baigorrikoa (Ipar Euskal Herria) da, Parisko Behatokian ikasi zuen eta Parisko Astroparticule et Cosmologie laborategian lortu zuen doktoretza. Geroztik, doktoratu ondoko egonaldiak egin izan ditu Frantzian eta Italian.
Ekitaldiaren xehetasunak
-
Data: 2026ko ekainaren 11a
-
Ordua: 18:30
-
Lekua: Seminarixoa (Bergara)
-
Hizkuntza: Euskara
-
Hizlaria: Mikel Falxa (DIPC)
-
Sarrera: Dohainik
