Tout au long de l'anne, le Musée de Laboratorium organise diverses activités qui intéressent des personnes de tous âges et de tous horizons.
EMAKUME INGENIERIAK
Hitzaldia
“Emakume Ingeniariak” mahai-ingurua antolatu da datorren otsailaren 11n Bergarako Seminarixoan
Solasaldia goizeko 10:00etan hasiko da eta, besteen artean, ingeniaritzak zertan datzan eta sektorean dauden lan aukera desberdinak izango dira hizketa gai. Halaber, emakume ingeniariek ingeniaritzaren etorkizuneko erronkei aurre egiteko izango duten garrantziaz ere arituko dira.
Laboratorium Museoak urtemuga berezia bete zuela iragarri zuen eta, horrekin batera, urte osoko iraupena izango zuen ekitaldiz betetako egitaraua osatu zuela. 10. urteurreneko programaren eta ZTB-Zientzia Teknologia Berrikuntza Bergara jardunaldien barnean, otsailaren 11n, Bergarako Seminarixoan, goizeko 10:00etatik aurrera “Emakume Ingeniariak” mahai-ingurua antolatu da. Ekitaldia irekia da eta sarrera doakoa da.
Solasaldian ingeniaritzak zertan datzan eta sektorean dauden lan aukera ezberdinak ezagutzera emango dira. Halaber, emakume ingeniariek ingeniaritzaren etorkizuneko erronkei aurre egiteko izango duten garrantzia ere izango dute hizpide.
Mahai-ingurua Laida San Sebastianek bideratuko du, Entrepeneurship Teknologiako koordinatzaileak. Hizlariak, aldiz, Sara Fermin, Europa Fagor Electronica enpresako Area Sales Manager, Izaskun Larrañaga, LACOR-IBILI Taldeko kontseilari delegatua eta Annie Narvaez, AMIE Consulting-eko industria aholkularia izango dira.
Ekitaldia Emakumeak Zientzian ekimenaren, Gipuzkoako Ingeniari Elkargoaren eta Bergarako Laboratorium Museoaren arteko lankidetzari esker burutu da.
Laboratorium Museoa
Laboratorium Museoak, jakintza eta berrikuntza bultzatzeko bere ahaleginean, gizarteari teknologia aurreratuen eta etika arloko hausnarketaren inguruko ikuspegi zabala eskaintzen jarraitzen dihardu. Izan ere, museo hau ezagutza eta berrikuntzaren motor gisa ari da lanean. Historian zehar izandako ekarpen horiek gogoratuz, etorkizunera begira jarraitzen du, gizarte hobe eta jakintsuago baten alde lanean. 10 urte zientziari ateak zabaltzen.
BLACK BOX ITXIERA EKITALDIA
Hitzaldia
Adimen artifizialari buruzko solasaldia egingo da, otsailaren 14an, Bergarako Seminarixoan
Solasaldia goizeko 10:00etan hasiko da eta adimen artifizialaren galderak eta zalantzak izango dituzte hizpide.
Laboratorium Museoak urtemuga berezia bete zuela iragarri zuen eta, horrekin batera, urte osoko iraupena izango zuen ekitaldiz betetako egitaraua osatu zuela. Otsailaren 14an, Bergarako Seminarixoan, goizeko 10:00etatik aurrera antolatu duen adimen artifizialari buruzko solasaldia 10. urteurreneko ospakizunen eta ZTB-Zientzia Teknologia Berrikuntza Bergara jardunaldien barnean kokatzen da. Ekitaldia publiko orokorrari zuzenduta dago eta sarrera doakoa da. Mahai-ingurua gaztelaniaz izango da.
Haratago, ekitaldia, The Black Box adimen artifizialaren funtzionamendua ulertzeko aukera eskaintzen duen erakusketa berritzailearen itxiera ekitaldia izango da. Proiektua Javier Tejadak, Bartzelonako Unibertsitateko Fisika katedradunak, eta Norbert Bilbenyk, Bartzelonako Unibertsitateko Filosofia katedradunak, garatu dute. Erakusketa bisitatzeko azken eguna otsailaren 16a izango da.
Solasaldia, Nora Alonsok, Biologian doktoreak eta Jakiundeko kideak, moderatuko du. The Black Box proiektuko sortzaileak, Javier Tejadak eta Norbert Bilbenyk, mahai-inguruan parte hartuko dute; baita Teknikerreko Kerman Lopez de Callek eta Tecnaliako Jesus Lopez Lobok. Adimen artifizialaren galderak eta zalantzak izango dituzte hizketa gai.
Adimen artifiziala eguneroko bizitzetan geroz eta presentzia handiagoa bereganatzen ari da. Hori horrela, garrantzitsua da gizartean ikuspegi zabala eta kritikoa garatzea. Solasaldira bertaratzen den orok adimen artifizialaren mundua gertutik ezagutzeko aukera izango du.
Bergarako Udalak, Laboratorium Museoak eta Enpresare elkarteak, Caja Navarrarekin eta La Caixa Fundazioarekin elkarlanean eta Universitat de Barcelonaren, Eusko Jaurlaritzaren, Gipuzkoako Foru Aldundiaren eta beste hainbat eragileren laguntzarekin abian jarritako proiektua da The Black Box.
Laboratorium Museoa
Laboratorium Museoak, jakintza eta berrikuntza bultzatzeko bere ahaleginean, gizarteari teknologia aurreratuen eta etika arloko hausnarketaren inguruko ikuspegi zabala eskaintzen jarraitzen dihardu. Izan ere, museo hau ezagutza eta berrikuntzaren motor gisa ari da lanean. Historian zehar izandako ekarpen horiek gogoratuz, etorkizunera begira jarraitzen du, gizarte hobe eta jakintsuago baten alde lanean. 10 urte zientziari ateak zabaltzen.
Zientzia Sukaldean
Jarduera
Zientziarekin ondo pasatzeko aukera!
Gure inguruan aldaketa kimikoak etengabe gertatzen dira, baina haietaz jabetzeko ondo behatzen ikasi behar da.
Begirada berezi hori izateko, kimikako hainbat esperimenturekin gure ingurunean zein gure barnean gertatzen diren aldaketak ikusiko ditugu, zientzia egunerokotasunera hurbilduz. Kimika dibertigarria dela ikusiko duzu!
IRAUPENA: 60 minutu
Asko eskatzen den ekintza da.
HIZKUNTZAK: Euskara // Gaztelania
NORENTZAT?: Familiarra // Publiko guztiak
Atsedenaldirik gabeko jarduera.
EZAUGARRIAK:
- Autism friendly
- Arrakasta gazteen artean
- Oso bisuala
- Sentsoriala
- Apustu ziurra
HISTORIA HANDIKO LORATEGIAK: IRAUNKORTASUNAREN ALDEKO IBILBIDEA
Jarduera
Herri barruko naturgune babestuetatik ibilbide gidatua egingo dugu. Lorategi historikoek gordetzen duten ondarea eta horrek ingurune jasangarri batean duen eginkizun garratzitsua ezagutzeko aukerarekin. Kultura-trukea ondarea eraikitzeko gai den erakusgarri bizia dira; izan ere, espezie asko, gaur egun babestuta daudenak, iraganeko beste kontinente batzuetara egindako bidaien emaitza dira.
HIZKUNTZA: euskara / gaztelania
ELKARGUNEA: Laboratorium museoa
EGUNA eta ORDUA: urriaren 20an, 11:30etan
PREZIOA: 2 euro
IZENA EMATEKO: 943769003 // laboratorium@bergara.eus
ZIENTZIA ETA ARKITEKTURA KONEKTAZEN
Jarduera
Murgildu zaitez hirigune historikoan zehar ibilbide liluragarri batean, mendeetan zehar aurrerapen zientifikoen eta garapen arkitektonikoaren arteko erlazio sakona ezagutzeko.
Arkitektura bilakaera zientifikoaren lekuko mutua izateaz gain, garai bakoitzeko ezagutza eta teknologien isla ere izan dela aztertuko dugu. Gure ibilbideko geldialdi bakoitzak aurkikuntza, asmamen eta sormen istorioak erakutsiko dizkigu.
HIZKUNTZA: Euskara // Gaztelania
ELKARGUNEA: Laboratorium museoa
EGUNA eta ORDUA: urriaren 26an, 12:30etan
PREZIOA: 2 euro
IZENA EMATEKO: 943769003 // laboratorium@bergara.eus
JAKINDURIAREN ESPLORATZAILEAK: BIDAIA ZIENTIFIKOA LABORATORIUM MUSEOAN
Jarduera
Sar zaitez abentura zientifiko zirraragarri batean kimikaren eta fisikaren mundu liluragarria ezagutzeko, eguneroko elementuak erabiliz egindako esperimentu praktiko eta dibertigarrien bidez. Kontzeptu zientifikoak modu praktikoan eta eskuragarrian lotuko dira, inguratzen gaituen munduak nola funtzionatzen duen hobeto ulertzeko.
HIZKUNTZA: Euskara
ELKARGUNEA: Laboratorium museoa
EGUNA eta ORDUA: urriaren 27an, 11:00etan
PREZIOA: 2 euro
IZENA EMATEKO: 943769003 // laboratorium@bergara.eus
BIDE ZIFRATUAK: WOLFRAMAREN BIDAIA
Jarduera
Espioitza zientifikoko abentura zirraragarri batean murgildu "Bide zifratuak: Wolframioaren bidaia" ekintzarekin. Bidaia honetan, Juan Jose Elhuyarren tankerako espioi bihurtuko zara, Europatik Bergaran zegoen bere anaia Faustori zifratutako informazioa bidaltzen baitzion. Elhuyar anaiek wolframa elementu kimikoa aurkitu zuten elkarrekin. Zientzia, historia eta abentura lotzen ditugu, lankidetzak eta ezagutza-trukeak aurkikuntza handiak eragin ditzaketela erakutsiz.
HIZKUNTZA: Euskara
ELKARGUNEA: Laboratorium museoa
EGUNA eta ORDUA: urriaren 19an, 11:00etan
PREZIOA: 3 euro
IZENA EMATEKO: 943769003 // laboratorium@bergara.eus
HISTORIAREN JARIOA: KULTURA ETA URAREN BIDEAK BERGARAN
Jarduera
Ibilbide liluragarria non baliabide hidrikoen eta gure eskualdeko garapen kulturalaren arteko lotura aztertuko dugun. Txango gidatu honek Loidi-Pagola inguru bitxira eramango gaitu. Natur interes handiko eremua da, eta balio ekologiko nabarmena duten habitatak eta espezieak daude bertan.
Bidean zehar, truke historikoek, gizakiek zein naturalek, Bergarako kultura-ondarea nola eratu duten ikusiko dugu. XIX. mendean, Bergarako Udalak asmo handiko proiektu bati ekin zion ura Pol-Pol ingurutik herriraino bideratzeko. Obra horrek, biztanleen eguneroko bizitza eraldatzeaz gain, komunitatearen garapen kultural eta soziala ere bultzatu zuen.
Txangoan zehar, biodibertsitatearen garrantziaz eta historian zehar kultur elkartrukeetan natur baliabideak nola izan diren erabakigarriak ikasiko dugu. Natura eta kultura nola elkartzen diren ikusiko dugu, gaur egun ere gure nortasun kolektiboa aberasten duen ondarea sortuz.
Zatoz eta parte hartu denboran eta paisaian zehar bidaia honetan, non urrats bakoitzak Bergaran moldatu dituzten "Kulturaren Bideak" erakusten dizkigun. Ikus dezagun nola ura, hari gidari gisa, funtsezko motorra izan den gure kultura-ondarea eraikitzeko.
HIZKUNTZA: Euskara
ELKARGUNEA: Gorla, Ituberriko kantinan
EGUNA eta ORDUA: urriaren 13an, 10:30etan
PREZIOA: 2 euro
Plaza mugatuak
Emakume zientzialarien lehiaketa III edizioa
Jarduera
LEHIAKETA
Lehen Hezkuntzako ikasleen eta irakasleen arteko lankidetza-proiektu bat da, otsailaren 11ko ekimenaren barruan kokatua, eta honako helburu hauek ditu: emakume zientzialarien erreferente historikoei balioa ematea, bokazioak sustatzea eta genero-arrakala ixten laguntzea.
OINARRIAK
- Lehen Hezkuntzako 5. eta 6. mailako ikasleek parte hartu ahal izango dute. Lanak taldekoak izango dira (gehienez bost pertsona talde bakoitzeko), eta talde bakoitzeko lan bat onartuko da.
- Parte-hartzaileek emakume zientzialari baten bizitza eta ekarpenak jorratuko dituzte. Aukeratutako emakume zientzialaria edozein zientzia arlotakoa izan daiteke: Fisika, Kimika, Biologia, Matematika, Ingeniaritza, Teknologia.
- Formatoa aukeratu ahalko da: Marrazkia edo collage-a; Idazlana; Power Pointa; Bideo laburra.
- Izena emateko
- Bideoen iraupena gehienez 2 minutukoa izango da, eta edukian honako gai hauek jaso behar dira: Biografia, Testuinguru historikoa, Lorpenak eta ekarpenak, eta Lidergoari buruzko gogoeta pertsonala.
- Bideoak laboratorium@bergara.eus helbidera bidaliko dira, talde bakoitzaren kide guztien izenekin.
- Bideoak egiteko edozein ikus-entzunezko teknika onartuko da: diapositibak, hitzaldia, animazioa, aktoreekin antzeztea, etab.
- Bideoak entregatzeko azken eguna hau da: 2025eko urtarrilaren 31.
- Talde sarituari diploma eta pack-oparia emango zaizkio.
- Onartutako bideo guztiak museoan, webgunean eta sare sozialetan ikusi ahal izango dira.
- Epaimahaia Bergarako Udaleko Laboratorium museoa, Berdintasuna, Komunikazioa, Garapen zerbitzua eta Miguel Altuna Lanbide Heziketa, UNED eta NDANK NDANK taldeko kideek osatuko dute.
- Sariak 2025ko otsailaren 11ean banatuko dira Seminarixoan, Emakumeak Zientzian ekimenaren baitan. Ekitaldiaren ordua museoaren web-orri, Facebook, Twitter eta Instagram bidez komunikatuko da.
- Lanak museoaren funts dokumentalean gordeko dira, eta sare sozialetan eta beste hedabide batzuetan erabili ahal izango dira, haien egileak adieraziz.
- Jarduera honi ekiteak bere oinarriak onartzea dakar. Sortzen diren zalantzak lehiaketaren taldeak argitu eta erabakiko ditu eta bere erabakiak apelaezinak izango dira.
Datu pertsonalak Bergarako Udalaren ardurapean tratatu dira, lehiaketa gauzatu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta: Bergarako Udala, San Martin Agirre Plaza 1, 20570 Bergara. Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT). Tratamendua: 2205.
IZENA EMAN
Bergaran ARTEA eta ZIENTZIA uztartuz IX edizioa (2024)
Jarduera
Laboratorium Museoak 'Bergaran Artea eta Zientzia uztartuz' ilustrazio zientifikoko tailerraren IX. edizioa eskainiko du aurten. Asteburu osoko tailer honetan, ONDDOAK aztertuko eta marraztuko ditugu. Arte Ederretako teknikez baliatuz, ilustrazio zientifikoa jorratzeko oinarrizko kontzeptuak landuko dira, dena aparteko giro eta lekuan eta primerako irakasleekin: Carles Puches eta NorArte. Marraztea eta natura erretratatzea gustuko badituzu, ederki goza dezakezu urtero antolatzen dugun ikastaro honekin. Hurbildu zaitez ilustrazio zientifikora!
DATA: Irailaren 28 eta 29an
ORDUTEGIA: Larunbata: 10:00 - 14:00 eta 16:00 - 20:00 // Igandea: 10:00 - 14:00
IZEN EMATEA: 15 €
HIZKUNTZA: Euskara / Gaztelania
IRAUPENA: 12 ordu
ONLINE PARTE HARTZEKO PLAZAK GERATZEN DIRA BAKARRIK