ONDAREA ERAIKITZEN. CONSTRUYENDO CULTURA
ONDAREAREN EUROPAKO JARDUNALDIAK
2025eko egitarauak 123 ekitaldi baino gehiago eskainiko ditu irailaren 27tik aurrera Gipuzkoako 37 herritan eta Laboratorium museoak honako hauek antolatu ditu:
ISILTASUNAREN MAISULANAK: ARIZNOAKO TAUPADAK
Ariznoako San Pedro elizak isiltasun sakon eta dotore bat gordetzen du bere baitan. Han, Juan de Mesaren eskutik sortutako Hilzoriko Kristoa zurezko eskulturak bihotza taupaka jartzen du, artearen eta gizakiaren emozioaren indarraz. Bisita honetan, barrokoko maisulan hau gertutik ikusiko dugu, eta horrez gain, elizak mendez mende pilatu duen ondare artistiko eta espiritual aberatsa ezagutuko dugu. Gure historia kolektiboaren isilpeko oihartzuna da: eraiki dugun ondare bizia.
EGUNA: irailaren 27an, 11:00etan
NON: Laboratorium museoan
PREZIOA: 5,35 euro
IZENA EMAN: 943769003
WOLFRAMAREN KODEAK: ONDAREA ERAIKITZEN DUEN ZIENTZIA
Egun batez espioi bihurtu eta Elhuyar anaiek wolframioa nola isolatu zuten ezagutu, ezagutzaren trukeari esker. Jarduera honetan, zientzia, historia eta kultura lotzen dituzten pistak eta erronka zifratuak aurkituko dituzu. Ezagutza partekatuak gure ondare kulturala nola eraikitzen duen erakutsiko duen abentura.
EGUNA: urriaren 3an, 18:00etan
NON: Laboratorium museoan
PREZIOA: doan
IZENA EMAN: 943769003
ONDAREA ERAIKITZEN: HARRIAREN BIDEZ IDATZITAKO HISTORIA
Mendeetan zehar Bergarako kale eta eraikinek eraiki dute herriaren nortasuna. Bisita gidatu honetan, gure hirigune historikoan zehar ibiliko gara, bere eraikin enblematikoak, plaza eta elizak ezagutuz. Harri, egitura eta arkitektura bakoitzak komunitate baten balioak, sinboloak eta garapen historikoa islatzen ditu. Ezagutu nola denok gara gure ondarearen eraikitzaile, eta nola monumentuek iraganetik etorkizunerako zubia osatzen duten.
EGUNA: urriaren 18an, 11:00etan
NON: Laboratorium museoan
PREZIOA: doan
IZENA EMAN: 943769003
ZIENTZIAREN IRUDIAK: EZAGUTZAREN ONDARE BISUALA ERAIKITZEN
Fernando Baptista, zientzia-ilustrazioaren nazioarteko erreferentea, Bergarara iritsiko da bere lan zoragarrien erakusketarekin. Bere marrazki eta konposizioek anatomia, geografia eta historia bezalako gaiak bistaratzen dituzte, irudiaren bidez ezagutza transmitituz. Bisitariak ikusiko du nola datuak eta artea uztartuz, informazioa esperientzia bisual bihurtzen den. Erakusketa honek ondare grafiko eta hezitzaile bat eraikitzen du, gaur egungo gizartearentzat zein etorkizuneko belaunaldientzat baliagarri izango dena: ulermena, estetika eta irudimena uztartzen dituen ezagutza.
EGUNA: urriaren 31etik azaroaren 10era arte (Aroztegi aretoko ordutegia)
NON: Aroztegi aretoan
PREZIOA: doan
IKUSEZINA ERAIKITZEN
Tailer honek argia, soinua eta material bitxiak erabiliz, ikusiezina den mundu kuantikoaren logika azalduko du modu parte-hartzailean. Esperimentu bakoitzak espazio bat osatzen du, ikusezina dena ikusgarri bihurtuz: uhinak, interferentziak eta egiturak erabiliz, inguruko espazio fisikoa eta esperientzia kolektiboa berreraikitzen dira. Jarduera honek erakusten du zientziak ere, espazioaren eta formaren bidez, ondare kulturala eraikitzen duela.
EGUNA: azaroaren 8an, 11:00etan
NON: Laboratorium museoan
PREZIOA: doan
IZENA EMAN: 943769003