‘Estigmarik gabeko kultura’ izenpean ospatu da bigarren Gertu Kulturako elkargunea Laboratorium Museoan
Gizarte eta kultura sektorearen arteko topaketa hau Gertu Kultura ekimenarekin elkarlanean egin da
Gaur goizean ospatu da kulturaren bidez gizarte-premiei erantzutea helburu duen ‘Estigmarik gabeko kultura’ topaketa Laboratorium Museoan. Saioa gizarte-sektoreko profesionalek eta Gertu Kulturako lantaldeko profesionalek dinamizatu dute. Topaketaren ondoren Laboratorium Museoa ezagutzeko bisita bat egin da.
Bergaran ospatuko den Zientzia Jot Down 2025 lehiaketarako izena emateko epea zabalik da
«Elementu kritikoak: wolframetik lur arraroetara» lelopean Bergaran ospatuko da aurten Zientzia Jot Down lehiaketaren hamabigarren edizioa
Urriaren 3an eta 4ean ospatuko den edizio honetan, elementu kritikoen gaiaren inguruko jarduerak antolatuko dira -mahai inguruak, bisita gidatuak, hitzaldiak, tailerrak, etab.- Jot Down aldizkariko kolaboratzaileen, zientzialarien, dibulgatzaileen eta gonbidatuen parte hartzearekin.
Agavea, museoaren sarrerako bisitari berezia 10. urteurrenean
Museoaren sarrerako lorategian, harrituta uzten gaitu azken hilabeteetan protagonista bihurtu den landare ikusgarriak: Agavea; zeinak bat egin duen museoaren 10. urteurreneko loraldiarekin. Ospakizun berezi honetan ere bere lekua egin nahi izan du. Ez da kasualitatea, izan ere, Laboratorium Museoak zientzia botanikoarekin duen lotura estua da. Botanika eta zientzia, eta zientzia eta botanika ere eskutik emanda doaz eta Laboratorim Museoan, horren erakusle bilakatu da une honetan Agavea.
10. urteurrenaren harira, Eusko Legebiltzarreko bisita jaso dugu
Gaur goizean Eusko Legebiltzarreko Kultura, Euskara eta Kirol Batzordearen bisita izan dugu Laboratorium Museoan. Bisitaren baitan, batzordeko ordezkaritzari museoko erakusketak erakutsi dizkiegu eta gure jardunaren inguruan aritu gara.
Bisitan zehar, azken hamar urteotan Laboratorium Museoak izan duen ibilbideaz aritu gara, eta denbora tarte horretan garatu diren proiektu eta jardueren berri eman diegu. Hortaz gain, museoak gaur egun dituen erronka nagusiak eta helburu estrategikoak ere aurkeztu dizkiegu.
Laboratorium Museoak Bergarako historia jasotzen duen ‘Historium’ karta-jokoa aurkeztu du
Aurkezpena Museoen Nazioarteko Egunaren eta 10. urteurrenaren ospakizunen programaren baitan egindako ekimena izan da. Aurrerantzean museoak Bergarako ondarearen erakusle den karta joko propioa izango du.
Laboratorium Museoa zientzia eta gizarte museoa den heinean, “museoak etorkizuna eraikitzeko bitartekari aktiboak” ere badirela aldarrikatu du Rosa Errazkin museoko zuzendariak. Zientzia gizarteratzeko eta gizartea zientzian murgiltzeko zubiak dira museoak, ezagutza eskuragarria eta partekatua sustatuz.
‘Historium’ karta-jokoaren txapelketa maiatzaren 18an
‘Historium’ historia karta-joko bat da, helburua eskuan dituzun kartak denboran kronologikoki jartzea da. Karta bakoitzak Bergarako historiarekin lotutako gertaera bat, pertsonaia bat, asmakizun bat edo monumentu bat erakusten du.
Jokoa kronologia baten inguruan eraikitzen da: hasieran karta bakarra dago mahai gainean eta hortik abiatuta, kartak gehitu behar dira data egokia kokatuz txandaka.
Maiatzaren 18an, 11:00tan, aurkeztuko da karta-jokoa Laboratorium Museoan. Manex San Sebastianek, karta-jokoaren egilea, arauak azaldu eta txapelketa hasiko da.
Fernando Baptista, Euskal Balearen moduluko infografoa, munduko diseinatzaile hobeena izendatu du Society for News Designek
Society for News Designek National Geographic-eko Fernando Baptista infografoa Munduko Diseinatzailerik Onena izendatu du #SND46 Sormen Gaitasuneko lehiaketan aurkeztutako infografien lanagatik.
Oso pozik hartu du saria Baptistak, komentatu digu ez zuela espero. Martxoan Laboratorium Museoan aurkezku genuen Euskal Balearen moduluko infografiak berak sortutakoak dira. Baptistaren ilustrazioek, balio zientifikoaz gain bisualki erakargarri egiten dute erakusketa.
Gozatuz zientziaratu! Uda 2025
Bergarako Udalak 2025eko udarako aisialdi eta kirol jardueren eskaintza zabala aurkeztu du atzo Laboratorium Museoan. Helburua da haur eta nerabeei aisialdi hezitzaile eta aktiboa eskaintzea, euskaraz eta lagun artean, udalerriko instalazio ezberdinak eta ingurune naturala baliatuz
Aurtengo eskaintzaren aurkezpenerako kokaleku hau hautatzea ez da kasualitatea. Hamargarren urteurrena ospatzen dabil Museoa eta Udakikua aisialdi eskaintza hamar urte hauetan bidelagun izan da; museoa osatzen duten piezetako bat da.
Laboratorium Museoak Carles Pucheren ‘Hitzik gabe dibulgatzea’ erakusketa inauguratu du
Laboratorium Museoak ilustrazio zientifikoa balioan jarriko du bere hamargarren urteurrenean. Ospakizunen programaren barruan, ilustrazioari lekua egingo dio bere aldi baterako erakusketen eskaintzan. Azken urteetako bideari jarraipena emanez, EHUko Ilustrazio Zientifikoko masterreko artelanen, ‘Emakumeak botanikan’ eta ‘Iragana Ilustratzen: Mauricio Antón eta paleoartea’ erakusketei testigua hartuko die gaurtik Carles Pucheren “Hitzik gabe dibulgatzea” erakusketak.
Euskal Baleari buruzko modulu interaktibo berria inauguratu da
Laboratorium Museoak Euskal Baleari buruzko modulu interaktibo berria inauguratu du